JINSI YA KUWATAMBUA MANABII WA UONGO.....2

wapendwa wangu nawasalimu katika jina la Bwana Yesu. ninamshukuru Mungu tena kwa kuwa yeye ni mwema na ametupa tena nafasi baada ya muda mrefu tuendelee na somo letu hili jinsi ya kuwatambua manabii wa uongo. katika sehemu iliyopita tuliona asili na chanzo cha manabii wa uongo. napenda niwaambie wapendwa kuwa , dunia iko mwisho kabisa  kama wewe ni mtumishi wa Mungu kaa katika msimamo wa Mungu na usiyumbishwe na kila aina ya imani inayozuka kila iitwapo leo. 

 

ni kawaida leo kumsikia mtu akijiita mtumishi wa Mungu huku akiupinga uweza wa Yesu na kujifanya kuwa na mafunuo mengine. mtu wa jinsi hiyo bila mjadala nasema hakutoka kwa Mungu. biblia inasema yesu ndiye njia, kweli na uzima na hakuna mtu anaweza kumuona Mungu kama hakupita kwa Yesu.( yoh 14:6)  

muonekano na tabia za manabii wa uongo

manabii wa uongo kirahisi waweza kutambulika kwa muonekano na tabia kama zifuatazo

• kwa nje huonekana ni watumishi wema na wenye haki (Math 23:28, Mak 7:15)

• hupenda kujisifu na kutangaza viwango vya juu sana kiroho

• hupenda kujionyesha kuwa watumishi maarufu sana wa kiroho waliopakwa mafuta na Mungu 

• wanapenda kuonekana kuwa ni watu na mafankio makubwa na kufuatwa na watu wengi (Mt 7:l21-23, Mt 24: 11, 24 , 2Kor11:13-15)

• wanafanana sana na mafarisayo wa kale kwa  kuwa;

1. ni wanafiki(Mt 23:25 )

2. ndani wamejaa maasi (Mt 23:28)                                                                                                                    

    tabia za imani potofu                                                                                                         

• zinajifanya kukubali mamlaka ya biblia lakini huitafsiri vibaya

• huthamini sana unabii na mafundisho ya viongozi wao waanzilishi kuliko biblia

• hukazia sana kufundisha uponyaji wa mwili kuliko roho na baraka za mwilini kuliko za rohoni

• daima huchanganya mafundisho ya kikristo na taratibu zingine za kibinadamu zikiwemo zile za mila na desturi

• hufundisha mafundisho yao potofu na hupenda kuweka nyongeza katika neno la Mungu hata yako kinyume na biblia na hulazimisha watu kuamini tu kwa kuwa ni ufunuo

• hufanya miujiza mingi kwa kutumia wengine kwa kutaja jina la Yesu huku wakitumia mbinu za viini macho

• wengi hupuuza agizo kuu la Bwana Yesu la kuuendea ulimwengu kwa injili bali hupenda kuwaendea watu waliookoka tayari na kutaka kuwaongezea mambo kama masharti kwa ajili ya kupata wokovu              

  Mungu wa mbinguni na awabariki sana .... tutaendelea siku nyingine                                                                

   ev maxwell  medard (mzawa wa injili)                                      0759210407,,, medardmaxwell@yahoo.co.uk au medardmaxwell@gmail.com